Fshati Milloshevë i Komunës së Obliqit, sot po mbanë ditë zije…

Kjo për shkak se liqeni artificial i këtij fshati, gjatë ditës së djeshme ia morri jetën e dy fëmijëve të familjeve Terbunja dhe Salihu.

Edhe pse arsyeja e shkuarjes së tre fëmijëve në këtë pus nuk dihet ende, Erion Salihu 10 vjeç dhe Omar Terbunja 11 vjeç, mbetën të vdekur si rezultat i rrëzimit në ujë.

Ndërsa detajet se si ndodhi e tërë ngjarja, për arbresh.info, i shpalosi Behgjet Salihu, i cili është xhaxhi i 10 vjeçarit Erion Salihu, shkruan arbresh.info.

“A kanë ardhur me nxënë peshq, apo kanë ardhur për tu freskuar nuk e dimë. Erioni dhe Omari, u rrëzuan në ujë dhe shoku i tyre i tret, u zhvesh për t’i lidhur teshat e tij me njëra tjetrën, dhe për t’i shpëtuar ata. Më pas shkoi në një restorant këtu afër dhe kërkoj ndihmë nga punonjësit e. Më pasë punonjësit e restoranti kanë ardhur, dhe kanë arritur ta nxjerrin vetëm njërin nga fëmijët, kurse tjetrin e kanë nxjerrë FSK-ja, pas dy ore”, tha Salihu.

I prekur rëndë nga humbja e të birit, babai i Omarit,  Ramadan Trubunja nuk ishte në gjendje të fliste para kamerave, por i bëri apel të gjithë prindërve që të kujdesen për fëmijët e tyre./Alban Begolli/arbresh.info/